Intake

Intake

Despues ku bo a entregá un petishon pa medio di e site, den e fase di Intake nos lo evaluá si bo petishon ta pas ku Qredits su grupo di enfoke i ku bo petishon ta kompleto.

E siguiente preguntanan ta di importansia pa por determiná si bo ta pertenesé na e grupo di enfoke:

  1. E total di e nesesidat di finansiamentu di e empresa no ta mas grandi ku $25.000.? Pasobra Qredits ta duna fiansa te na un máksimo di $25.000.
  2. Kon grandi e eventual finansiamentunan eksistente ta? En general den kaso di un petishon pa un mikrokrédito esaki no por ta mas grandi ku e suma total di $25.000 na kapital lehano.
  3. Esaki ta konserní un negoshi ku ta aktivo prinsipalmente riba merkado di Boneiru i ta establesé tambe na Boneiru? Esaki ta un kondishon importante pa por yega na remarke pa un krédito. 
  4. E sektor ta kuadra ku e grupo di enfoke pa finansiamentu di Qredits? Un kantidat di sektornan spesífiko ta ekskluí (wak preguntanan frekuentemente hasí).

Kalidat di petishon

Despues di a determiná ku bo ta pertenesé na e grupo di enfoke di Qredits, nos ta bai kontrolá si e petishon ta kompleto i ta di sufisiente kalidat. Ademas nos lo hasi e siguiente preguntanan:   

  1. Tin un plan di merkadeo detayá presente? 
  2. E base finansiero ta korekto?
  3. Bo idea ta kla i konkretamente poné riba papel?
  4. Bo petishon ta kontené tur e dokumentunan nesesario?

Mayoria biaha bo ta risibí un reakshon via mail dentro di 5 dia di trabou si ta tuma bo petishon den tratamentu. Si e petishon no ta kompleto nos lo supliká pa manda e dokumentunan ku falta òf ta konsehá bo pa buska yudansa ku trahamentu di un plan di negoshi pa medio di por ehèmpel kurso e-learning Skirbi Plan di Negoshi di Qredits.

Petishon rumbo konsehero di empresa  

Ora Qredits tin un bon bista di bo empresa i bo petishon ta kompleto ta manda bo petishon pa un konsehero di empresa. E konsehero akí lo evaluá bo petishon i lo evaluá e faktibilidat di e plan. 

  1. E total di e nesesidat di finansiamentu di e empresa no ta mas grandi ku $25.000.? Pasobra Qredits ta duna fiansa te na un máksimo di $25.000.
  2. Kon grandi e eventual finansiamentunan eksistente ta? En general den kaso di un petishon pa un mikrokrédito esaki no por ta mas grandi ku e suma total di $25.000 na kapital lehano.
  3. Esaki ta konserní un negoshi ku ta aktivo prinsipalmente riba merkado di Boneiru i ta establesé tambe na Boneiru? Esaki ta un kondishon importante pa por yega na remarke pa un krédito.
  4. E sektor ta kuadra ku e grupo di enfoke pa finansiamentu di Qredits? Un kantidat di sektornan spesífiko ta ekskluí (wak preguntanan frekuentemente hasí).

Wak e 5 stapnan

1. E aplikashon

Despues ku e formulario di aplikashon a wòrdu yená, nos ta puntra pa 'upload' algun dokumento. E dokumentonan ku mester wòrdu mandá ta dependé di si bo ta un negoshante ku awor ta kuminsando òf un negoshante eksistente i tambe di ki tipo di krédito bo ke. Tira bista riba diferente lista di chekeo.

2. e prome ‘chekeo’

Den e fase aki nos ta wak si e aplikashon di krédito ta pas ku Qredits i tambe si bo aplikashon ta kompleto. Denter di 5 dia di trabou, bo ta risibí notifikashon via mail. Bo ta tende si e aplikashon ta den proseso i si e konsehero di negoshi ta pasa hasi bishita.

3. Sita ku un konsehero di negoshi

Si nos tin un bon bista di bo negoshi, i si bo aplikashon ta kompletu, e ora ei un konsehero komersial ta trata bo petishon. E konsehero akí ta evaluá bo plan i wak si e ta alkansabel.

Dentro di sinku dia di trabou e konsehero komersial lo tuma kontakto ku bo pa traha un sita. E kombersashon ta tuma lugá na bo kas òf na bo negoshi.

4. Evaluashon definitivo di aplikashon

Den e fase akí e rísiko mènedjer di Qredits ta evaluá bo aplikashon krédito i e rapòrt di bo aplikashon i e kombersashon ku e konsehero komersial a skibi.

E evaluashon di e rísiko mènedjer lo bini despues di tres dia di trabou ku el a risibi e rapòrt di e konsehero komershal. Al final e rísiko mènedjer ta disidí si e kreditó ta aproba i bou di kua kondishon esaki ta sosodé.

5. Duna fiansia

Ora tin aprobashon nos ta traha un akuerdo di fiansa. Promé bo ta risibí un proposishon finansiero. Aki den tin tur afsprak tokante di e fiansia. Si bo ta bai di akuerdo ku esaki, bo ta risibí e oferta i e akuerdo finansiero.

Dependé di bo banko,e suma lo ta dentro di un i maksimal sinku dia di trabou riba bo kuenta komersial.

 
Intake