Ken Qredits ta?

Ken Qredits ta

Qredits ta un fundashon ku ta sostené bo komo komersiante den inisio eksitoso di bo empresa òf den invershon den bo kompania.

Esaki nos ta hasi dor di ofresé un hèrmènt úniko pa skirbi bo plan di negoshi, coaching personal i suministro di mikrokrédito te ku $ 50.000. Nos meta ta pa hasi soñonan di empresarionan bira realidat i den esaki nos ta wak mas tantu posibel na e posibilidatnan na lugá di e imposibilidatnan. Pues, un punto di salida positive.

Mishon

Qredits ta ofresé coaching i mikrokrédito na empresarionan (inisial) den empresa mediano i chikí na Boneiru, ku no tin akseso na diferente servisionan (finansiero) via e sirkuito regular. Ya asina nan por yega na independensia ekonómiko, finansiero i social. Ku esaki Qredits ke promové e negoshantenan na Boneiru. Qredits ta hasi esaki dor di ofresé un kombinashon di medionan di guia, coaching i solushon di krédito pa empresarionan (inisial). Qredits ta aspirá ku esaki:

  • stimulá inisio di un propio empresa;
  • laga empresarionan (inisial) hasi un eskoho bon balansá panegoshá;
  • ofresé empresarionan (inisial) mas oportunidat di start i di sobreviví;
  • duna empresarionan (inisial)e posibilidat pa bira finansieramente/ekonómikamente independiente;
  • krea un brùg pa e empresarionan (inisial) akí por sigui krese bai den e sektor finansiero regular.

E mishon akí ta interpretá den e 4 balornan klave di nos organisashon.

Aserkamentu

E aserkamentu di Qredits ta otro for di mayoria di e suministradónan di krédito. Nos ta ofresé hopi atenshon personal i fleksibilidat pa nos klientenan. No solamente na palabra, pero esaki ta prosesá den tur nos produktonan i prosesonan. Ehèmpelnan di esaki ta:

  • evaluashon di bo plan di negoshi serka bo na kas dor di un konsehero di empresa;
  • nos ta tene kuenta ku bo situashon personal;
  • un persona di kontakto fiho despues di suministro di bo fiansa;
  • solushon di coaching personal i pagabel;
  • kursonan e-learning práktiko ku ta yuda bo konstruí bo empresa.

 

Wak e pelíkula di empresa di Qredits:

Qredits ta un fundashon ku ta sostené bo komo empresario den inisio eksitoso di bo empresa òf den invershon den bo kompania.

Esaki nos ta hasi dor di ofresé un hèrmènt úniko pa skirbi bo plan di negoshi, coaching personal i suministro di mikrokrédito te ku $ 50.000. Nos meta ta pa hasi soñonan di empresarionan bira realidat i den esaki nos ta wak mas tantu posibel na e posibilidatnan na lugá di e imposibilidatnan. Pues, un punto di salida positive.

Úniko i distingido pa medio di nos kondishonnan

Konekshon

Qredits ta kere ku kolaborashon ta hiba na éksito. Nos ta traha riba un nètwèrk di kompanianan, organisashonan sosial i boluntarionan. Nos ta stimulá nos klientenan pa traha riba nan propio nètwèrk .I nos ta konektá e negoshante ku nos sosionan.

Personal

Serka Qredits e empresario i su plan ta pará sentral. Nos ta aserká nan personalmente. Nos ta bai na nan kas, i huntu nos ta wak e plannan i e posibilidatnan. Tambe nos ta pensa huntu, nos ta flèksibel i nos ta keda den kontakto.

Sosial

Qredits ke kontrubuí na e komunidat. Nos meta ta, pa hasi empresarionan asesibel. Nos ta un fundashon sin ganashi. Qredits ke yuda hende realisá nan pashon i si tin mester, duna nan un oportunidat mas.

Formal

Qredits ta enfoká riba negoshante ku plannan di negoshi realistikó òf ku ke purba logra esaki. Nos ta formal. E servisio ta basá riba e superbibensia di e empresario. Nos tin un modèl di negoshi ku ta lèn riba e eksito di nos klientenan.

Ken Qredits ta?