Preguntanan frekuentemente hasí

Aki bo ta haña e preguntanan frekuentemente hasí tokante coaching na Qedits.

  • Semper bo ta haña un guiadó ora bo sera un krédito serka Qredits?

    Coaching ta un kondishon pa risibí un krédito. Meta di e coach di empresa ta pa yuda bo krea un éksito di bo empresa.

  • Dikon Qredits ta ofresé coaching i guia na empresario?

    Coaching di empresario, banda di suministro di Mikrokrédito, ta un komponente importante di e servisio di Qredits. Dor di pone coach disponibel e impresario ta risibí atenshon i guia personal pa oumentá e oportunidat ku su empresa lo tin éksito.

  • Ki ora mi por haña un coach di Qredits?

    Qredits ta ofresé trayekto di coaching na empresario insial i eksistente ku a risibí un krédito di Qredits.

  • Mi por haña un coach tambe ora mi no a haña un Mikrokrédito serka Qredits?

    Nò, solamente empresario ku tin nesesidat òf ku a risibí krédito serka Qredits, por bini na remarke serka Qredits pa un coach personal.

  • Ku kiko un coach di Qredits por yuda mi?

    Nos coachnan ta kompartí boluntariamente nan konosementu, eksperensia i reda di kontakto. Pa medio di konseho práktiko nan ta yuda empresarionan ku kresementu di nan empresa.

  • Ken e coachnan di Qredits ta?

    E coachnan di Qredits ta (eks)empresarionan i profeshonalnan for di diverso ramo di negoshi i organisashon. Tur coach tin afinidat ku e bida di empresa i gustosamente nan ke empeñá boluntariamente nan konosementu i eksperensia pa yuda bo mas aleu ku problemátika pa kua bo no tin un solushon direktamente.

  • Kon un trayekto di coaching ta?

    Ámbos trayekto (ku i sin krédito) ta kuminsá ku un entrevista di intake den kua bo ta hasi palabrashon ku e coach tokante frekuensia i karakter di e momentunan di kontakto i ken ta tuma inisiativa den esakinan. Ademas ta stipulá e meta di e trayekto di coaching (ki ora e trayekto tin éksito). Pa finalisá e trayekto ta tuma lugá un entrevista di evaluashon den kua ta evaluá si a alkansá e meta. Tambe bo eksperensianan komo empresario ku e trayekto di coaching ta bini dilanti. E trayekto di coaching sin krédito tin un durashon di seis luna i ta enserá kuater te seis entrevista. E trayekto di coaching ku krédito tin un durashon di diesdos luna i ta enserá por mínimo diesdos entrevista.

  • Na unda mi por entrega un keho tokante mi trayekto di coaching?

    Ora ku tin asuntu ku bo no ta kontentu kuné, bo por mèldu esaki na e departamentu di coaching di Qredits, alkansabel na telefòn 0900 – 77 33 487.

  • Kua kondishonnan ta aplikabel?

    Riba tur kompra di Qredits ta apliká nos kondishonan general (klek riba e lenk pa downloaden nan komo un fail di pdf).

  • Ta posibel pa tene un entrevista di sera konosí adelantá ku un coach di Qredits?

    Nò, lamentablemente no ta posibel pa tene un entrevista di sera konosí adelantá ku un coach di Qredits.

    Qredits ta dediká hopi kuido i atenshon na selekshon i kalidat di e coachnan. Nos ta pidi e coachnan pa traha un profil kompletu i konkreto, di manera bo por hasi un bon eskoho di un coach.

    E proseso ta hinká di tal manera den otro ku bo mes por selektá un coach, ku apénas ta haña mal kombinashon entre empresario ku coach. Si talbes por resultá ku no ta sali bon ku e coach e ora ei bo por tuma kontakto ku e departamentu di Coaching pa medio di e-mail, na coaching@qredits.nl. E ora ei bo ta haña un oportunidat di un solo biaha pa skohe un otro coach pa medio di Plasa di Coaching (Coachingsplein).

  • Mi por prolongá mi trayekto di coaching?

    Na momentu ku e periodo di e trayekto di coaching a kaduká, ta posibel pa prolongá bo trayekto di coaching ku bo coach aktual. Bo por prolongá bo trayekto di coaching dor di pidi un trayekto di coaching di nobo di seis luna na nos website. Si bo coach no ta disponibel ainda riba e Plasa di Coaching (Coachingsplein), pa motibu ku bo fecha di kaduká no a pasa ainda? Tuma kontakto e ora ei ku e departamentu di Coaching. Nan por sera bo trayekto di coaching, di manera ku bo coach ta disponibel atrobe pa hasi reservashon riba Plasa di Coaching.

  • Mi no a risibí un kontesta riba mi pregunta. Kiko awor?

    Manda nos un e-mail ku bo pregunta i nos lo tuma kontakto ku bo mas pronto posibel.

Preguntanan frekuentemente hasí